У гэтым годзе споўніцца 40 гадоў з дня аварыі на Чарнобыльскай АЭС, якая стала найбуйнейшай тэхнагеннай катастрофай у гісторыі і паўплывала на лёсы сотняў тысяч беларусаў і беларусак на дзесяцігоддзі наперад.
Арганізатарамі кампаніі «Пасля Чарнобыля: 40 дзён разважанняў пра здароўе, памяць і будучыню» выступаюць Зялёная сетка, Экадом і Альянс «Зялёная Беларусь». Кампанія будзе доўжыцца 40 дзён з 30 сакавіка па 8 траўня і прадставіць серыю інфармацыйных, культурных і адукацыйных анлайн- і афлайн-мерапрыемстваў.
-
Мерапрыемствы да Дня памяці Чарнобыльскай аварыі 2026
26 красавіка спаўняецца 40 гадоў з дня аварыі на Чарнобыльскай АЭС — якая стала найбуйнейшай тэхнагеннай катастрофай у гісторыі. Час ідзе, але наступствы застаюцца часткай нашай рэальнасці. Па ўсім свеце да гэтай даты пройдуць акцыі памяці, дыскусіі і культурныя падзеі. Гэта магчымасць узгадаць мінулае і паразважаць пра нашу будучыню. Далучайцеся!
-
Чек-лист для ежегодного профилактического обследования
Этот чек-лист разработан, чтобы помочь тебе лучше понимать и контролировать свое здоровье, особенно с учетом потенциального долгосрочного влияния Чернобыльской катастрофы. Помни, что это общие рекомендации, и твоему врачу виднее, какие обследования подходят именно тебе.
-
8 ТРАЎНЯ || «Сляпы Апакаліпсіс»: Вечар-рэфлексія з Дзмітрыем Строцавым
«Мы не ведалі, якім паветрам дышам і якую п’ём ваду». Гэта гісторыя пра маладосць, якая прыпала на час засекрачанай трагедыі. Паэт Дзмітрый Строцаў запрашае ў падарожжа па памяці пакалення, якое пісала вершы, кахала і стварала мастацтва, не ведаючы, што кожны іх дзень можа стаць апошнім.
-
7 ТРАЎНЯ || Паэтычны вечар доктара Джайлса Сазэрлэнда
Запрашаем на творчую сустрэчу з шатландскім паэтам, мастацтвазнаўцам і эколагам доктарам Джайлсам Сазэрлэндам. Вечар будзе прысвечаны паэзіі як спосабу сведчання і асэнсавання экалагічных катастроф. Аўтар прадставіць свае творы, ў якіх прырода, памяць і чалавечая адказнасць пераплятаюцца ў адзінае цэлае.
-
6 ТРАЎНЯ || Лекцыя «Чарнобыль: Рэфлексія на радыёактыўныя ападкі першых 40 гадоў»
Запрашаем на лекцыю брытанскага навукоўца, даследчыка наступстваў Чарнобыльскай катастрофы і праваабаронцы доктара Алана Флауэрса. Сустрэча будзе прысвечана навуковаму і грамадскаму асэнсаванню саракагадовага перыяду пасля аварыі на ЧАЭС.
-
3 траўня || Вільнюс! Выстава Ксішы Ангелавай
3 траўня ў Цэнтры беларускай культуры ў Вільнюсе адкрыецца персанальная выстава мастачкі Ксішы Ангелавай. Праз 40 мастацкіх прац праект даследуе экзістэнцыйны жах перад «нябачным ворагам» — радыяцыяй і наступствамі Чарнобыльскай катастрофы.
-
3 ТРАЎНЯ || Майстар-клас «Wood, Fire and Writing»
Запрашаем на творчы майстар-класс ад шатландскага прафесара, паэта і арт-крытыка доктара Джайлса Сазэрлэнда. Праграма «Wood, Fire and Writing» спалучае мастацкую практыку з экалагічнай рэфлексіяй. Удзельнікі будуць працаваць з элементарнымі медыумамі — вугалем і чарнілам — каб даследаваць сувязь паміж маляваннем, прыродай і працэсамі трансфармацыі.
-
27 красавіка || Вільнюс! (Анты)ядзерны стэндап
Беларускі генетычны код — штука складаная: у ім пераплецены сарказм, ёдадэфіцыт і здольнасць смяяцца там, дзе іншыя выклікаюць экстранныя службы і хапаюцца за сэрца. І калі гумар — гэта адзіны даступны нам спосаб дэзактывацыі траўмы, то гэты вечар будзе максімальна стэрыльным.
-
26 красавіка || Вільнюс! Чытка з удзелам беларускіх дзяяч_ак
Тэатральная чытка ўрыўкаў кнігі «Чарнобыльская малітва» Святланы Алексіевіч 26 красавіка ў 18:00 на сцэне тэатра Mroj-Hall з удзелам беларускіх грамадскіх дзеяч_ак, актывіст_ак, акцёраў і актрыс, былых палітвяз_ынак.
-
25 красавіка || Вільнюс! Экаквіз для дзетак
Экалагічны квіз на беларускай мове для дзяцей ад 7 да 10 гадоў пра жывёл і прыроду Беларусі, «зялёныя» звычкі і выратаванне планеты. Удзельнікаў і ўдзельніц чакае 5 раўндаў па 5 пытанняў у кожным. Прыходзьце цікава і карысна пабавіць час усёй сям’ёй.
-
25 красавіка || Вільнюс! Кінапаказ фільма «Аўрора»
Прыходзьце 25 красавіка на паказ украінскага драматычнага мастацкага фільма «Аўрора», які распавядае гісторыю дзяўчынкі, што атрымала вялікую дозу апрамянення ў выніку аварыі на ЧАЭС.
-
25 красавіка || Варшава! Афлайн-сустрэча «Спадчына «чарнобыльскага» руху
Ці ведалі вы, што многія інтэрв’ю, запісаныя для кнігі Святланы Алексіевіч “Чарнобыльская малітва”, можна паглядзець у публічна даступным архіве? Гэтыя запісы — унікальнае акно ў час, калі навукоўцы і дактары яшчэ не баяліся гаварыць праўду пра катастрофу.
-
24 красавіка || Варшава! Дабрачынны антыядзерны рэйв
Echoes of Chornobyl — дабрачынны рэйв 24 красавіка з удзелам беларускіх лайв-артыстаў на скрыжаванні электроннай музыкі і візуальнага мастацтва, прысвечаны памяці Чарнобыльскай катастрофы і яе доўгатэрміновым наступствам.
-
17 красавіка || Варшава! (Анты)ядзерны Стэндап
17 красавіка запрашаем на (анты)ядзерны стэндап ад беларускіх камікесс у Bazar Klub.
-
16 красавіка || Круглы стол: «Выпрабаванне чалавецтва. Чарнобыль і 40 гадоў пасля»
Дыскусія будзе прысвечана таму, што Чарнобыльская аварыя — гэта не толькі тэхнагенная катастрофа, але і выпрабаванне чалавечай цывілізацыі на здольнасць асэнсоўваць, памятаць і рабіць высновы.
-
14 красавіка || Анлайн-прэзентацыя і дыскусія
«Сучасны погляд на ядзерныя тэхналогіі: як змянілася атамная энергетыка праз 40 гадоў пасля Чарнобыля?»
-
Анлайн-прэзентацыя: “Ядзернае стрымліванне: дэбаты і выклікі”
8 красавіка, 14:00 (CET), адбудзецца анлайн-прэзентацыя і дыскусія на англійскай мове ад Тома Заўэра, прафесара міжнароднай палітыкі Антвэрпенскага ўніверсітэта (Бельгія), эксперта па ядзерным стрымліванні, кантролі над ядзернымі ўзбраеннямі, распаўсюджванні ядзернай зброі і ядзерным раззбраенні.
