Расказваем пра рэзідэнцыю і конкурс для мастачак і мастакоў, якія працуюць у галіне еnvironmental art.
Hydromedia
Hydromedia — гэта мастацкая рэзідэнцыя ў Атверпене, Бельгія. Туды ў красавіку запрашаюць мастакоў, якія знаходзяцца ў Еўропе.
Рэзідэнцыя накіравана на даследаванне экалагічнага крызісу. Запрашаюць творцаў да распрацоўкі інавацыйных інструментаў, якія прапануюць арганізатары. Дэманструючы рэзультат шырокай публіцы, Hydromedia плануе пераасэнсаваць адносіны з прыродай. Мастакі будуць працаваць разам з навукоўцамі і эколагамі.
Рэзідэнцыя прапануе:
— ганарар 2000 EUR
— вытворчы бюджэт 2000 EUR
— выдаткі на праезд
— пражыванне.
Дэдлайн падачы заўкі 24 лютага.
COAL Prize 2023 Plant!
COAL Prize 2023 Plant! — гэта французскі конкурс для мастакоў, якія займаюцца тэмамі экалогіі.
Прэмія заклікае да вырашэння сацыяльных і экалагічных праблем. Працы павінны быць накіраваны на ўзаемасувязь чалавека і прыроды – як метафарычна, так і прамалінейна. Напрыклад, праекты, прысвечаныя трансфармацыі, адраджэнню, гібрыдызацыі і інш.
Можна атрымаць 4 узнагароды ў розных намінацыях:
— 12000 EUR і магчымасць рэзідэнцыі ў Domaine de Belval
— 3000 EUR
— удзел ў міжнароднай біенале NOVA _XX 2023
— магчымасць рэзідэнцыі Clichy-sous-Bois.
Падаць заяўку можна да 19 сакавіка.