Чаго хочуць жыхар_кі Віцебску ад гарвыканкама і пракуратуры гораду?

На сайце petitions.by з’явілася петыцыя за спыненне абрэзкі дрэваў «пад слуп» у Віцебску. Падпішы яе да 13 чэрвеня!

У Віцебску супрацоўнікі камунальных службаў (як мяркуюць стваральні_цы петыцыі, ДП «Віцебскі Зелянбуд») у маі і чэрвені 2022 года правялі абрэзку шэрагу дрэў «пад слуп» з поўным выдаленнем кроны і верхняй часткі ствала на некаторых цэнтральных вуліцах. Такую абрэзку дрэў гараджане заўважылі на вуліцах Пушкіна, Путна, Жасткова і на Маскоўскім праспекце.

Аўтар_кі петыцыі лічаць, што гэта супярэчыць нарматыўным прадпісанням часткі восьмай п.36 Правілаў утрымання азелянёных тэрыторый, зацверджаных пастановай Міністэрства жыллёва-камунальнай гаспадаркі Рэспублікі Беларусь ад 13.01.2020 года №1 (далей — Правілы).

витебск петиция кронирование деревьев обрезка деревьев зеленый телефон экодом
Фотаздымкі, прыкладзеныя да петыцыі

Частка восьмая п.36 Правілаў ўстанавіла, што не праводзяцца работы па кранаванню (топінгу) дрэў, калі пры абразанні цалкам выдаляюцца крона і верхняя частка ствала дрэва. Гэта норма Правілаў імператыўная: зроблена ў пэўнай, катэгарычнай форме і не падлягае змяненню па ініцыятыве яе выканаўцаў. Правілы таксама рэгулююць асаблівасці правядзення розных тыпаў абрэзкі дрэў (санітарная, фармовачная і амаладжальная).

Так, санітарная абрэзка дрэў, кустоў (п.33 Правілаў) прадугледжвае выдаленне сухіх, старых, хворых, пашкоджаных і пераплеценых галін, а таксама галін, накіраваных унутр кроны або збліжаных адна з адной. Выдаленню падлягаюць галіны, якія адыходзяць ад цэнтральнага ствала ўверх пад вострым вуглом або вертыкальна (выключаючы пірамідальныя формы), каб пазбегнуць іх абломвання і ўтварэння ран на ствале, а таксама галіны, размешчаныя паблізу паветраных камунікацый.

Фармовачнае абразанне дрэў, кустоў (п.34 Правілаў) праводзіцца з мэтай захавання натуральнай формы дрэў і хмызнякоў, альбо надання кроне зададзенай формы (шарападобнай, конусападобнай, цыліндрычнай і іншай).

А амаладжальная абрэзка дрэў, кустоў (п.35 Правілаў) праводзіцца з мэтай павышэння працягласці жыцця раслін шляхам частковага або поўнага выдалення сукоў старой кроны. Амаладжальная абрэзка дрэў, кустоў ажыццяўляецца да зоны з’яўлення новых маладых пабегаў, абразаючы старыя галіны на 1/2–3/4 агульнай даўжыні.

Такім чынам, забарона на правядзенне работ па кранаванню (топінгу) дрэў, калі пры абразанні цалкам выдаляюцца крона і верхняя частка ствала дрэва, тычыцца ўсіх відаў абрэзкі, якія ўстаноўлены Правіламі. Паколькі кранаванне (топінг) дрэў ажыццяўляўся з поўным выдаленнем кроны і верхняй часткі ствала дрэва, у жыхароў Віцебску ёсць дастатковыя падставы меркаваць, што спецыялісты ДП «Віцебскі Зелянбуд» не азнаёмленыя з палажэннямі Правілаў (у частцы абрэзкі дрэў).

Не стой как столб: как спасти деревья во дворе от обрезки?

Аўтар_кі петыцыі патрабуюць:
• правесці праверку выкладзеных у гэтым звароце фактаў парушэння Правілаў правядзення абрэзкі дрэў;
• патлумачыць, на якой падставе праводзіліся работы па кранаванню (топінгу) дрэў з поўным выдаленнем кроны і верхняй часткі ствала дрэва, калі яны забароненыя ў адпаведнасці з часткай восьмай п.36 Правілаў?
• забяспечыць праходжанне работнікамі, якія выконваюць работы па абрэзцы дрэў, навучання (стажыроўкі) па авалодванні тэхнікай абрэзкі дрэваў і кустоў;
• устанавіць службовых асоб, вінаватых у правядзенні работ па кранаванню (топінгу) дрэў з поўным выдаленнем кроны і верхняй часткі ствала дрэва, а таксама ў парушэнні нарматыўных прадпісанняў часткі восьмай п.36 Правілаў, і прыцягнуць іх да дысцыплінарнай адказнасці;
• праінфармаваць у адказе на гэты зварот аб прынятых да вінаватых службовых асоб мер дысцыплінарнай адказнасці;
• забяспечыць спыненне практыки абрэзкі дрэў «пад слуп» у іх горадзе.

Падпішы петыцыю да 13 чэрвеня!

Нагадаем, што гэта не адзінкавы выпадак, калі беларус_кі спрабуюць дагрукацца ад чыноўнікаў наконт неправільнай абрэзкі дрэваў. Літаральна на мінулым тыдні мы пісалі пра падобную петыцыю з Мазыра. Калі ты хочаш паўплываць на выгляд зялёных тэрыторый і працу службаў у сваім мястэчку, але не ведаеш, з якога канца за гэта ўхапіцца, ты можаш атрымаць бясплатную кансультацыю ў інфаслужбы «Зялёны тэлефон».

  • Патэль на нумар +375 29 1702670;
  • Патэль ці напішы ў Viber або Telegram па нумары +375 29 1702670;
  • Напішы на e-mail: greenphonehelp@gmail.com.
  • Звярніся праз тэлеграм-бот 
  • Або ў інстаграме.

 

Добавить в социальные сети:
  • Добавить ВКонтакте заметку об этой странице
  • Facebook
  • Twitter
  • Одноклассники