Уводзіны нашай справаздачы за папярэдні, 2021 год пачыналіся са сказа: “Гэты год быў няпростым”. Не хочацца паўтарацца, але што ж зрабіць! На шчасце, паўтараецца не толькі складаная частка жыцця, але і тое, што Экадом працягвае працу, нягледзячы ні на што.
…нягледзячы на тое, што ў гэтым годзе КДБ Беларусі вырашыў аб’явіць нас “экстрэмісцкім фармаваннем” за адстойванне правоў беларусаў ды беларусак на здаровае навакольнае асяроддзе,
…нягледзячы на тое, што Беларусь выйшла з Орхускай канвенцыі, пакінуўшы беларусаў больш безабароннымі ў рэалізацыі сваіх экалагічных правоў,
…нягледзячы на тое, што ўжо цэлы год ідзе вайна, у якую наша краіна ўцягнутая насуперак волі яе жыхароў,
…нягледзячы на тое, што беларуская экалагічная суполка раскідана па ўсім свеце ў палітычнай эміграцыі, і нам даводзіцца працаваць з розных краінаў і часавых паясоў,
і шмат чаго іншага. Гэта абставіны, да якіх мы вымушаны адаптавацца і ў якіх мы працягваем рабіць усё, што можам. Якія ж вынікі працы Экадома былі ў 2022 годзе?
Расказваем у нашай гадавой справаздачы па-беларуску, па-руску і in english.
Хочаш падтрымаць Экадом? Падпішыся на нашыя сацсеткі:
